جوگی رنگ وچ، رنگ جا جَھلیا، لگ جا ھُو دے ناویں

[Tariq Iqbal Haavi]

جوگی رنگ وچ، رنگ جا جَھلیا، لگ جا ھُو دے ناویں
شاہ رگ تَوں وی، نیڑے مِلسی، جے تُوں جوگ جگاویں

مسجد مندر، جھگڑا جگ تے، کوئی وی بھید نہ جانے
سچے من نال، اکھ جے مِیٹیں، رب پاویں گا ساہنویں


یار منافق، سپ دی فطرت، ڈنگنوں باز نہ آوندے
اَگ تے اَگ وے، سیک دیوے گی، بھانویں بالو چھانویں

رب دے گھر وی، رب نہیں مِلدا، پھیرے جاندے خالی
کوڑ نہیں ماری، من دے اندروں، مکے بھج بھج جاویں

زن تے زر دی، حرص وے بِیبا، لگ جاوے تے بھیڑی
دوہیں عقلاں چٹ جاندے نیں، جِنھا وی بچ لے بھاویں

باپ دی مرضی، رب دی مرضی، دید جے ماں دی حجاں
رب تے گھر وچ، وسدا حاوی، کیوں در در ٹھیڈے کھاویں

(طارق اقبال حاوی)​