اے عیدے تھوڑا رُک جا تُوں۔۔۔

[Tariq Iqbal Haavi]

جے آنا تے سُن لے تُوں
تیرے آن نیں دل دُکھانا اِی۔۔۔
ساہنوں بالاں سوال.... سو پُچھنے
اساں چُپ وَٹنی...
مُونہہ لُکانا اِی۔۔۔!
ساڈے کول پُرانے لِیڑے نیں
سارے جی وی ہوگئے چِیڑے نیں
ہُن گھر دانے وی مُک چلے
تے خالی ہوگئے بَوجے نیں۔۔۔
ہُن بال، تاں روٹی نہیں منگدے
اوہ وی جاندے نیں کہ رَوجے نیں
میری من لے ٹھہر کے آ جاوِیں
فیر جم جم پھیرا پا جاوِیں۔۔۔
اَجے پلے ساڈے کُجھ وی نہیں
کِتھے سجے کھبے لُک جا تُوں۔۔۔
اے عیدے تھوڑا رُک جا تُوں۔۔۔
اے عیدے تھوڑا رُک جا تُوں۔۔۔!
(طارق اقبال حاویؔ)​