• To make this place safe and authentic we allow only registered members to participate Registration is easy and will take only 2 minutes of your time PROMISE

کس سَمت چل پڑی ہے خدائی میرے خدا

کس سَمت چل پڑی ہے خدائی میرے خدا
نفرت ہی دے رہی ہے دِکھائی میرے خدا
****
امن و اماں سے خالی دُنیا کیوں ہو گئی
تُو نے تَو نہ تھی ایسی بنائی میرے خدا
****
ذہنوں پہ اب سوار بس فکرِ معاش ہے
مِل جائے کاش بھوک سے رہائی میرے خدا
****
جسکا بھی جتنا بھی یہاں چلتا ہے ذور تَو
قیامت ہے ہر اُس شخص نے ڈھائی میرے خدا
****
بِنتِ حوا کی آہیں جو دامن بچاتے نکلیں
تجھے بھی تو دیتی ہونگی سُنائی میرے خدا
****
فِتنہ و شر ہے کیونکر اِتنا عروج پر
دَبتی کیوں جا رہی ہے بھلائی میرے خدا
****
کر درگزر خطائیں، ہم پہ رحم ہو مولا
کردے ختم فضائیں وَبائی میرے خدا
****
تیری یاد سے ہیں غافل تبھی کچھ سکُوں نہیں ہے
لو بھی تَو نہ تجھ سے ہم نے لگائی میرے خدا
****
ہدائیت ہمیں عطا کر، جو مکمل شفاف کر دے
غفلت دِلوں پہ جو ہے چھائی میرے خدا
****
(شاعر: طارق اقبال حاویؔ)​
 
Top