• To make this place safe and authentic we allow only registered members to participate Registration is easy and will take only 2 minutes of your time PROMISE

رہ جانا بس نام خدا دا باقی ہر شے فانی

رہ جانا بس نام خدا دا
باقی ہر شے فانی
کفن سوائے ہر شے تیری
دُنیا تے رہ جانی
****
دو گھڑیاں دی رشتے داری
دو گھڑیاں دی یاری
عمل اصل بس ساتھی تیرے
جنہاں یاری توڑ نبھانی
****
چُلھے پاٶنا مال اوہ جیہڑا
آئی نوں ٹال نہ پاوے
کیتی تیری کمائی اوہ جھلیا
کم تیرے نہ آنی
****
رب دی من بس، رب دا ہو جا
سُچی پریت ہے اُس دی
لگ جا ناویں کملی والا دے
جِنے بیڑی پار لگانی
****
چنگا کر لے خیراں ونڈ لے
کہ نام تیرا رہ جاوے
بندیا اک دن اُنج وی تیری
مُک جانی اے کہانی
****
تیرے دم تک ہَلے گُلے
باجھوں کس نے رونا
اکھ میٹی تے حاوی سبھاں
شکل تیری بُھل جانی
****
(طارق اقبال حاوی)​
 
Top