تنہا جینا بہترہے

[Tariq Iqbal Haavi]

سنو۔۔۔
کچھ کہنا ہے تم سے
میں نے کل رات دیکھی ہے
اک آخری قسط ڈرامے کی
کہ جس میں یہ دکھایا ہے
مرتا ہے آخر میں، بہت جو پیار کرتا ہے
یقیں جانو میرا دل بھی
بہت ہی ڈر گیا ہے اب
کہ اب یہ پھوٹنا چاہے
بہت ہی بھر گیا ہے اب
محبت نے ، وفاﺅں نے
مجھے جھنجھوڑ ڈالا ہے
اس آخری قسط نے مجھ کو
بہت ہی توڑ ڈالا ہے
کہ اب یہ سوچا ہے میں نے
مجھے بے فکر رہنا ہے
گھٹن ذرا نہ ہو جس میں
وہ لمحہ جینا بہتر ہے
وفا کرکے بھی مرنا ہے
تو تنہا جینا بہترہے
(شاعر: طارق اقبال حاوی)